მარიამ ყეინაშვილი

ილიას სახელმწიფო უნივერსიტეტის მეცნიერებათა და ხელოვნების ფაკულტეტის IV კურსის სტუდენტი ლიტერატურათმცოდნეობის მიმართულებით

ამჟამად, Erasmus+ გაცვლითი პროგრამის ფარგლებში, სწავლობს გრონინგენის (ნიდერლანდები) უნივერსიტეტში.

რატომ ჩემი პროფესია: თავიდანვე მსურდა, კითხვა გამეხადა პროფესიად, ამიტომაც, ლიტერატურათმცოდნეობა ავირჩიე. ვსწავლობ ლიტერატურის თეორიებს, ეპოქებს, მიმდინარეობებს, ზოგადად მწერლობას, როგორც მედიასაშუალებას ანტიკურობიდან დღემდე; ლექციებზე ვეხებით სემიოტიკასა და ლინგვისტიკას. ასევე, ვსწავლობ ციფრულ კომუნიკაციას, რაც მეორე ინტერესის სფეროში – გრაფიკულ დიზაინში – მიღრმავებს ცოდნას. ეს სფერო მოიცავს ადამიანების ურთიერთობას ვირტუალურ სივრცესთან და სივრცეში.

ვკითხულობ ჰერბერტ უელსის „დროის მანქანას“.

ვუსმენ მუსიკას განწყობის მიხედვით, ჟანრობრივი შეზღუდვა არ მაქვს.

ვფიქრობ და მაწუხებს მსოფლიოში მიმდინარე პროცესები, სიყალბე, უმოქმედობის შეგრძნება, დღითიდღე მზარდი ბოროტება და, ვფიქრობ, რა შეიძლება უშველოს ერთმა ადამიანმა მრავლის მიერ დაშვებულ შეცდომებს.

მიყვარს ადამიანები და ჩემი საქმე.

საქართველოში დაბრუნების შემდეგ სწავლას და მუშაობას აღნიშნულ სფეროებში გავაგრძელებ. გეგმაში მაქვს ორივე მათგანის კომბინირება. ლიტერატურათმცოდნეობა უსაზღვრო და თავისუფალი სფეროა, მოიცავს ყველანაირი მიმართულების ტექსტებს: ფილოსოფიურს, თეოლოგიურს, მხატვრულს… ის თავს არ გახვევს საკუთარ კანონებსა და წესებს, თუ როგორ უნდა წაიკითხო ესა თუ ის ტექსტი. არ არსებობს კანონი გააზრებისთვის; ლიტერატურა ქმნის უსაზღვროდ დიდ სივრცეს ინდივიდში. ლიტერატურას ახასიათებს დამოკიდებულება, დამოკიდებულება იდეებზე, თუმცა ის პატიმრად კი არ გაქცევს, არამედ გაძლევს საშუალებას, გადასინჯო ეს იდეები, ერთმანეთს დაუპირისპირო ან დაუკავშირო და ჩამოაყალიბო საკუთარი ხედვა; შენში აღმოაჩინო და შეამჩნიო ის, რაც უკვე არსებობს. გრაფიკული დიზაინით გატაცება კი შემოქმედების სურვილია. მგონია, რომ შემოქმედება ადამიანებისთვის სასიცოცხლოდ მნიშვნელოვანია. მე ხატვის პროცესი მსიამოვნებს, მსიამოვნებს სხვადასხვა ხასიათის გადატანა ილუსტრაციაში; ფერები და ფორმები დიდ ზეგავლენას ახდენს ჩემზე, თუმცა, მიმაჩნია, რომ ეს სფეროც ისევე მათავისუფლებს, როგორც ლიტერატურა.

სტუდენტებს ვურჩევ აკეთონ ის საქმე, რომელიც უყვართ. ძალიან მნიშვნელოვანია შეგრძნება, რომ გათავისუფლებს ის, რასაც აკეთებ.

ილიაუნი არის უნივერსიტეტი, რომელიც დიდ შესაძლებლობას აძლევს ახალგაზრდებს, მიიღონ ახალი გამოცდილება, რომელიც მხოლოდ მომავლის ან კარიერის დაგეგმვაში კი არ დაეხმარება მათ, არამედ პიროვნულ ფორმაციაშიც შეუწყობს ხელს. გარდა ამისა, ილიაუნი მუდმივად მუშაობს აკადემიური სივრცის განვითარებაზე, აწყობს უამრავ ღია პროექტსა და საჯარო ლექციას; მასპინძლობს ცნობილ პროფესორ-მასწავლებლებს საქართველოში და უცხო ქვეყნებიდან; სტუდენტებს სთავაზობს ისეთ საინტერესო პროგრამებს, როგორიცაა, მაგალითად, ამერიკული პროგრამა Liberal Arts. ERASMUS + გაცვლითი პროგრამის შესახებაც ილიას სახელმწიფო უნივერსიტეტში შევიტყვე და ამჟამად ნიდერლანდებში ვსწავლობ.

Share Button

გიორგი ბულია

ილიას სახელმწიფო უნივერსიტეტის მეცნიერებათა და ხელოვნების ფაკულტეტის ელექტროაკუსტიკური და კომპიუტერული მუსიკის საბაკალავრო პროგრამის მე-4 კურსის სტუდენტი

ვკითხულობ იმას, რაც მომესურვება, თავს არ ვიზღუდავ. ეს შეიძლება იყოს ბლოგპოსტი, ინტერვიუ, მოთხრობა თუ სხვა რამ.

ვუსმენ უამრავ რამეს, განურჩევლად მისი წარმომავლობისა თუ ჟანრისა. ასევე, ხშირად ვუსმენ გარემოს, ნატურალური ხმებით მიღებულ ქაოტურ კომპოზიციებს.

ვუყურებ ყველაფერს, დაბალბიუჯეტიანი, „თრეშ“ ფილმებიდან „არტჰაუს“ ფილმებამდე, მაგრამ, რა თქმა უნდა, ყველაფერი ჩემ სიმპათიას ვერ იმსახურებს.

მიყვარს ხელოვნება, საინტერესო დიალოგი, თეთრად გათენებული ღამეები, ქუჩაში ხეტიალი და მოგზაურობა.

მაინტერესებს უამრავი რამ, ერთს ვერ გამოვარჩევ.

მუსიკა არის ალბათ ერთ-ერთი მიზეზი იმ ცოტაოდენიდან, რომელიც ცხოვრებას თუნდაც პატარა არსს თუ სიამოვნებას ჰმატებს.

 

Share Button

მარი ბუგიანიშვილი

ილიაუნის სამართლის სკოლის, III კურსის სტუდენტი

ამჟამად, Erasmus+ გაცვლითი პროგრამის ფარგლებში, სწავლობს ფინეთში, ტურკუს უნივერსიტეტში.

ვფიქრობ სამყაროს წარმოშობაზე, ტოლერანტული საზოგადოების ჩამოყალიბებაზე.

ვკითხულობ ისტორიული და დეტექტიური ჟანრის ლიტერატურას.

ვუსმენ  კლასიკურ მუსიკას.

მიყვარს მოგზაურობა, კითხვა.

მაინტერესებს  ადამიანებთან ურთიერთობა კანონებთან მიმართებაში. „სახელმწიფო“, ჩემი აზრით, უპირველესად, სწორედ კანონია. ვფიქრობ, ჩემი პროფესია ხალხისთვის ძალიან მნიშვნელოვანია და უაღრესად საინტერესოც. ამიტომაც ავირჩიე პროფესიად სამართალი.

ილიაუნი არის უნივერსიტეტი ყველაზე საინტერესო და ბევრი პროგრამით. აქ სტუდენტს აქვს დიდი არჩევანი, თავისუფალი ქმედების შესაძლებლობა, თვითდამკვიდრების დიდი შანსი და პროფესიონალ, ყურადღებიან, გულისხმიერ ლექტორებთან ურთიერთობის შესაძლებლობა.

სტუდენტებს ვურჩევ,  იყვნენ აქტიურები, მუდმივად იზრუნონ თვითგანვითარებაზე, იმოგზაურონ ბევრი, გაეცნონ სხვა ხალხის კულტურას და დააფასონ საკუთარი.

Share Button

ნარმინა გუსეინოვა

ილიაუნის მეცნიერებათა და ხელოვნების ფაკულტეტის სტუდენტი სოციოლოგიის მიმართულებით.

ამჟამად, Erasmus+ პროგრამის ფარგლებში, სწავლობს ირლანდიაში, ლიმერიკის უნივერსიტეტში.

დაწვრილებით „ნარმინა გუსეინოვა“

Share Button

ბექა ბოკუჩავა

ილიაუნის მეცნიერებათა და ხელოვნების ფაკულტეტის ფილოსოფიის საბაკალავრო პროგრამის მე-4 კურსის სტუდენტი, სტიპენდიატი.

დაწვრილებით „ბექა ბოკუჩავა“

Share Button

თამარელა არჩვაძე

ილიაუნის მეცნიერებათა და ხელოვნების ფაკულტეტის თავისუფალი მეცნიერებების პროგრამის პირველი კურსის სტუდენტი.

2016 წლის ერთიანი ეროვნული გამოცდების შედეგების მიხედვით, ყველაზე მაღალქულიანი სტუდენტი ილიაუნიში; ქვეყნის მასშტაბით საუკეთესო 20-ეულში.

დაწვრილებით „თამარელა არჩვაძე“

Share Button